MONGWBL төсөл

Бид ажилтнуудынхаа эрүүл мэнд, сайн сайхан байдалд анхаарч, эрүүл аюулгүй орчинд ажиллах боломжоор хангадаг. Голомт банк нь эмчтэй бөгөөд ажилтнууд ажлын цагаар аливаа эрүүл мэндийн асуудал тулгарахад цаг алдалгүй анхан шатны тусламж үйлчилгээ, зөвлөгөө мэдээллийг авах боломжтой байдаг. Ажилтнуудын эрүүл мэндэд чиглэсэн Физиологийн эрүүл мэнд, Сэтгэл зүйн эрүүл мэнд, Ажил амьдралын тэнцвэрт зориулсан хөтөлбөрүүдийг тасралтгүй хэрэгжүүлдэг.

Ажилтнуудаа зуны цагт цэвэр агаарт гэр бүлээрээ байх асуудлыг бид “Ойн булаг зуслан”-р дамжуулан шийдвэрлэдэг. Голомтын ажилтнууд жил бүр зуны хугацаанд уг зусланд гэр бүлийн хамт гарах боломжтой байдаг. Энэхүү зуслан нь нийт 100 гаруй зуны байшинтай бөгөөд Голомт банк жилийн турш арчилгаа, үйлчилгээг нь хариуцдаг.

Голомт банк ажилтнуудынхаа бие бялдар, сэтгэлзүйн эрүүл мэндийг дэмжихэд чиглэсэн спортын тэмцээн уралдаануудыг зохион байгуулдаг. Сагсан бөмбөгийн лиг, явган аялал, цасны баяр, волейболын тэмцээн, хөлбөмбөгийн тэмцээн гэх мэт 8-9 төрлийн тэмцээн, биеийн тамирын арга хэмжээг зохион байгулж ажилтнуудынхаа амралт чөлөөт цагийг зөв боловсон өнгөрүүлэх, идэвх оролцоо, баг хамт олонч байдал, багаар ажиллах чадварыг дэмжин ажилладаг. Мөн банк хоорондын болон улсын чанартай тэмцээн уралдаанд шигшээ баг тамирчдаа бэлтгэн оролцуулдаг.

Голомт банкнаас нийгмийн хариуцлагын хүрээнд 2003 оноос хойш тасралтгүй 18 дахь жилдээ уламжлал болгон зохион байгуулж буй энэхүү тэтгэлэгт хөтөлбөрт Монгол Улсын дотоодын их, дээд сургуулийн 3, 4 дүгээр курсийн оюутнууд мэргэжил харгалзахгүй оролцох боломжтой байдгаараа онцлог. Мөн бид шилдэг 100 оюутандаа мөнгөн тэтгэлгээс гадна мэргэжлийн болон хувь хүний ур чадварыг хөгжүүлэх сургалт, олон нийтийн үйл ажиллагаанд хамруулах, судалгаа, дадлага, цагийн ажил хийх, цаашлаад Голомт банканд тогтвортой ажлын байраар хангах боломж олгодог билээ.

Голомт банк жирэмсний амралттай байгаа ажилтнууддаа зориулсан “G-mommys” арга хэмжээг тогтмол зохион байгуулдаг. Жирэмсний амралттай байгаа ажилтнууддаа зориулсан мэдээ мэдээлэл, хэрэгтэй сургалт зөвлөгөө, хоорондоо танилцаж дотносох нээлттэй боломжуудыг олгодог энэхүү event маань ажил олгогч байгууллагуудаас анхдагч, туршлага болохуйц арга хэмжээ юм.