Ажилтнуудынхаа эрүүл мэнд, сайн сайхан байдалд анхаарч, эрүүл аюулгүй орчинд ажиллах боломжоор хангадаг. Голомт банк нь өөрийн эмчтэй бөгөөд ажилтнууд ажлын цагаар аливаа эрүүл мэндийн асуудал тулгарахад цаг алдалгүй анхан шатны тусламж үйлчилгээ, зөвлөгөө мэдээллийг авах боломжтой байдаг. Ажилтнуудын эрүүл мэндэд чиглэсэн Физиологийн эрүүл мэнд, Сэтгэл зүйн эрүүл мэнд, Ажил амьдралын тэнцвэрт зориулсан хөтөлбөрүүдийг тасралтгүй хэрэгжүүлдэ
Ажилтнуудынхаа биеийн эрүүл мэндийг хамгаалах чиглэлд олон ажил зохион байгуулдаг. Үүний нэг нь эрүүл мэндийн цогц үзлэг, шинжилгээ. Голомт банк 2 жил тутамд нийт ажилтнуудаа эрүүл мэндийн 7-8 төрлийн цогц үзлэг, шинжилгээнд хамруулдаг.
Голомт банк жирэмсний амралттай байгаа ажилтнууддаа зориулсан “G-mommys” арга хэмжээг тогтмол зохион байгуулдаг. Жирэмсний амралттай байгаа ажилтнууддаа зориулсан мэдээ мэдээлэл, хэрэгтэй сургалт зөвлөгөө, хоорондоо танилцаж дотносох нээлттэй боломжуудыг олгодог энэхүү event маань ажил олгогч байгууллагуудаас анхдагч, үлгэр жишээ, туршлага болохуйц арга хэмжээ юм.
Голомт банк ажилтнуудынхаа гэр бүл, үр хүүхдийн сайн сайхан байдалд үргэлж санаа тавьж ажилладаг. Ажилтнуудын хүүхдүүдэд зориулсан Хүүхдийн баярын цогц хөтөлбөр, Мэргэжил таниулах хөтөлбөр, Сурагчийн дадлага, Good Vibes зэрэг арга хэмжээнүүдийг зохион байгуулж тэдний хүмүүжил, мэдлэг боловсрол, ирээдүйн мэргэжлээ сонгох зэрэгт нь дэмжлэг үзүүлдэг.
Голомт банк ажилтнуудынхаа бие бялдар, сэтгэлзүйн эрүүл мэндийг дэмжихэд чиглэсэн спортын тэмцээн уралдаануудыг зохион байгуулдаг. Сагсан бөмбөгийн лиг, явган аялал, цасны баяр, волейболын тэмцээн, хөлбөмбөгийн тэмцээн гэх мэт 8-9 төрлийн тэмцээн, биеийн тамирын арга хэмжээг зохион байгулж ажилтнуудынхаа амралт чөлөөт цагийг зөв боловсон өнгөрүүлэх, идэвх оролцоо, баг хамт олонч байдал, багаар ажиллах чадварыг дэмжин ажилладаг. Мөн банк хоорондын болон улсын чанартай тэмцээн уралдаанд шигшээ баг тамирчдаа бэлтгэн оролцуулдаг.
Урт удаан хугацаанд тогтвортой ажиллаж Голомт банкныхаа хөгжилд хувь нэмрээ оруулж банкандаа ажилласан ажилтнуудынхаа 5, 10, 15, 20, 25 дахь ойн жилүүдэд нь Loyal ажилтны бэлгийг гардуулдаг.