Хамтын ажиллагаа
Голомт банк нь өөрсдийн арга барилыг зах зээлийн жишигт нийцүүлэх, олон улсын болон үндэсний санхүүгийн салбарын сайн туршлагыг хуваалцах үүднээс олон гол оролцогч талуудтай яриа хэлэлцээ, хамтын ажиллагаагаа үргэлжлүүлж байна.
- Монголын Тогтвортой Санхүүжилтийн Холбоо (ТоС)
Монголын Тогтвортой Санхүүжилтийн Холбоо (ТоС) нь гишүүн санхүүгийн байгууллага, аж ахуйн нэгжүүдийн тогтвортой байдал, ногоон хөгжлийг дэмжих замаар санхүүжилтийн тогтолцоог ногоон болгох зорилготой ГҮТББ юм. Тус холбоо нь Тогтвортой хөгжлийн зорилтууд, Парисын хэлэлцээр, мөн Монгол улсын тогтвортой хөгжлийн үзэл баримтлал, Үндэсний хэмжээнд тодорхойлсон хувь нэмэр, Ногоон хөгжлийн бодлого зэрэгт нийцүүлэн эерэг өөрчлөлтийг бий болгох нэгдсэн, болон хувьсах бодлого боловсруулах, бизнесийн арга барил, олон салбарын санаачлагыг боловсруулахад гишүүд, түншүүдтэйгээ нягт хамтран ажилладаг. Голомт банк нь Удирдах зөвлөлийн гишүүн бөгөөд тус холбооны идэвхтэй гишүүн юм.
- Нэгдсэн Үндэсний Байгууллагын Байгаль орчны хөтөлбөр-Санхүүгийн санаачлага, Хариуцлагатай банкны зарчмууд (UNEP-FI, PRB)
НҮБ-ын Байгаль орчны хөтөлбөр, Санхүүгийн санаачлага нь НҮБ-ын Хариуцлагатай банкны зарчмуудаар дамжуулан банкны нийгэмлэгтэй хамтран ажиллаж, хүн төрөлхтөн болон дэлхий дахины эерэг шилжилтийг хурдасгадаг. Дэлхийн банкны салбарын талаас илүү хувийг төлөөлж буй 330 гаруй банк гарын үсэг зурсан бөгөөд тус банкууд нь НҮБ-ын Тогтвортой хөгжлийн зорилтууд болон Парисын уур амьсгалын гэрээ зэрэг олон улсын гэрээ хэлэлцээртэй үндсэн стратеги, шийдвэр гаргах, зээл олгох, хөрөнгө оруулалтын үйл ажиллагаа уялдуулдаг. Голомт банк нь тус зарчмуудыг үүсгэн байгуулагч гишүүний нэг бөгөөд Монгол Улсыг төлөөлөн дангаараа ажилладаг.
- Хүлэмжийн хийн тооцоолол, санхүүгийн бүртгэлийн түншлэл (PCAF)
PCAF нь санхүүжүүлсэн ялгаруулалтыг тооцоолж, ил тод болгох, нэгдсэн арга барилыг боловсруулж хэрэгжүүлэхэд хамтран ажилладаг санхүүгийн байгууллагуудын дэлхийн хамтын ажиллагаа юм. Голомт банк нь 2023 оны 2-р сард PCAF-ийн гишүүнээр элссэн бөгөөд санхүүжүүлсэн ялгаруулалтыг тооцоолох аргыг банкны багцын хэмжээнд ашиглаж байна.
- Шинжлэх ухаанд суурилсан Зорилтуудын санаачлага Science Based Targets initiative (SBTi)
SBTi нь Нүүрстөрөгчийн ил тод байдлын төсөл (CDP), НҮБ-ын Даян дэлхийн гэрээ, Дэлхийн нөөцийн хүрээлэн (WRI), Дэлхийн байгаль хамгаалах сан (WWF) хоорондын хамтын ажиллагаа бөгөөд уур амьсгалын шинжлэх ухаанд суурилан ялгаруулалтыг бууруулах, тэг зорилго тавих шилдэг туршлагыг тодорхойлж, сурталчлах зорилготой санаачлага юм. SBTi нь зорилгоо бие даан шалгах боломжийг олгодог. Голомт банк нь SBTi-ээс олгосон хэрэгслийг ашиглан уур амьсгалын шинжлэх ухаанд нийцүүлэн дунд болон урт хугацааны зорилтуудаа тодорхойлсон.
- Уур амьсгалын өөрчлөлтийн эсрэг хамтын амлалт Collective Commitment to Climate Action (CCCA)
Уур амьсгалын өөрчлөлтийн эсрэг хамтын амлалт нь 2019 оны 9-р сард хэрэгжиж эхлэхдээ Хариуцлагатай банкны зарчмуудад (PRB) гарын үсэг зурсан зарим улсууд уур амьсгалын нэмэлт амлалт болгон баталсан бөгөөд ингэснээр Парисын хэлэлцээрийн температурын зорилтуудтай бизнесийн стратегийг уялдуулах Хариуцлагатай банкны зарчмуудын амлалтыг хурдасгасан. Голомт банк нь CCCA-д гарын үсэг зурсан бөгөөд Парисын хэлэлцээрт тусгагдсан банкны салбарын зорилтуудыг хурдасгах зорилгод хүрсэн тул 2023 онд тус санаачлага нь зогссон байна.